Syair Bujang Tuo

SYAIR BUJANG TUO

oleh yadhi rusmiadi jashar



Arkian kisah si bujang tuo

Idup dewek dak ado kanco

Ngesir cewek yang masih mudo

Siapo rela dengan tuo bangko



Di ujung dusun ado la gadis

Tetegak anggun sungguh manis

Dari jauh bedayo magis

Bujang tuo tehipnotis



Bujang tuo belari kencang

seradak serenggino numburi barang

Ngejer betino si rambut mayang

Dak taunyo si jando kembang



Bujang mambang idak peduli

Sikil diayun laju belari

Jando kembang senyum bestari

Ya hindun dio dak katek gigi



Bujang laju urungke niat

Balek mengkerik belari cepat

Sikil dipacu begancang minggat

Geledurr, tiang listerik nyokot jidat



Jidat menyunyu sebesak kelapo

Bujang tuo idak meraso

Lari nyerudu hindari jando

Idak la suko bebini dio



Nasib si cimen bujang yang malang

Umur la ngarep belum betunang

Gara-gara nemen igo menimbang

Gadis cakep akhirnyo melayang



Tinggallah si bujang duduk merenung

Bekain sarung dio mencangkung

Bujang mambang setengah linglung

Kesian si burung buruk tegantung



Jadi wong jangan pilih-pilih

Kalu la jodoh gancang diraih

Dak perlu cewekan bekasih-kasih

Kagek nyerodoh dan jugo sedih***

~~~Griya Sriwijaya, 14 Nopember 2010~~~